MASASI: WAALIMU WAPIGANA "JEKI" MASOMO YA HESABATI NA KIINGEREZA

Walimu za shule za Msingi katika Halmashauri ya Wilaya ya MASASI Mkoani MTWARA wameamua kutumia muda wao wa likizo fupi kujengeana uwezo wa mada ngumu kwa masomo ya Sayansi, Hisabati na Kiingereza lengo ikiwa ni kuongeza ufanisi wa ufundishaji wa masomo hayo na hivyo kuinua ufaulu katika Mitihani ya Kitaifa.

Akiongea wakati wa mafunzo hayo katika Tarafa ya LULINDI wilayani humo, AFISA ELIMU Msingi wa Halmashauri ya Wilaya ya MASASI Ndugu ELIZABETH MLAPONI amesema kuwa mafunzo hayo ni kati mikakati ya kuongeza ufaulu kwa matokeo ya darasa la NNE na la SABA kwa mwaka 2018.

Walimu wamefikia hatua hiyo baada ya kuona baadhi ya walimu hawana uwezo wa kufundisha baadhi ya mada kutokana kutokuzielewa vizuri hivyo mafunzo hayo yatawasaidia walimu hao kuwa na uwezo wa kufundisha masomo hayo kwa ufanisi na hivyo kuongeza ufaulu wa masomo hayo.

MLAPONI amesema kuwa kwa matokeo ya mwaka 2017 masomo ya Kiswahili na Maarifa ya Jamii ufaulu ulikuwa asilimia 50  wakati Masomo ya Sayansi, Hisabati na Kiingereza ufaulu ulikuwa chini ya asilimia 40 ambapo somo la Kiingereza ufaulu ulikuwa chini ikifuatiwa na Hisabati.

Na Joina Nzali

Share:

Read More

Kamati ya Fedha yajiridhisha Ujenzi wa OPD ya Milioni 750 Kituo cha Afya Nanguruwe

Mapema mwezi huu, Kamati ya Fedha Uongozi na Mipango ya Halmashauri ya Wilaya Mtwara imefanya ziara katika Kata ya Nanguruwe yenye lengo la kukagua maendeleo ya Ujenzi wa Jengo la kupokelea wagonjwa (OPD) katika Kituo cha Afya ambacho kipo katika hatua nzuri ya kupandishwa hadhi na kuwa Hospitali ya Mtwara Vijijini.

Ujenzi huo unaotekelezwa na Mkandarasi Mzalendo Kutoka Jeshi la Kujenga Taifa yaani Kampuni ya Suma JKT unatarajiwa kukamilika mwishoni mwa robo hii ya pili kulingana na Mkataba, hapo awali kulikuwa na hali ya kusuasua katika utekelezaji hadi pale timu ya wataalamu walipofanya ufuatiliaji wa kina kwa kushirikiana na Waheshimiwa Madiwani kisha wakaomba wakutane na Mkandarasi ili kujadiliana baadhi ya mambo.

Kabla ya ziara hiyo Kamati ya fedha ilifanya mazungumzo ya kina na Uongozi wa Jeshi hilo katika ukumbi wa Halmashauri kwa lengo la kutathmini maendeleo ya mradi husika na kuainisha changamoto zinazoukabili mradi huo, uongozi wa JKT na Halmashauri ulifikia muafaka wa kuhakikisha kuwa kazi inafanyika kwa Haraka na Usahihi kwakuwa fedha yote ya Mradi ipo.

 Kutokana na Mtwara Vijijini kukosa Hospitali yao Viongozi wake wakiongozwa na Mhe. Hawa A. Ghasia (Mb) wamekuwa mstari wa mbele kuhakikisha wanaisemea kero hiyo kila wapatapo nafasi hali iliyosikika na upande wa Serikali wakaamua kuwa Kituo cha Afya Nanguruwe kifanyiwe upanuzi kwa kujenga majengo mapya, kuboresha yaliyopo kulingana na mahitaji yanayotakiwa katika Hospitali.

Kutokana na hali hiyo kilianza kufanya kazi chache zinazoshabihiana na hospitali ikiwepo kulaza wagonjwa, kufanya upasuaji wa kawaida na Uzazi, kupokea wagonjwa wa sehemu mbalimbali, Ujenzi wa Duka la Dawa la Serikali katika eneo la Kituo na kuongeza Vifaa na Wataalamu wa kutoa huduma za Afya.

Inaaminika kuwa Jengo la Kupokelea wagonjwa linalojengwa likikamilika litakuwa na muonekano wa Kisasa zaidi lenye kupokea wagonjwa wengi sana na kutoa huduma nyingi kwa wakati mmoja, kwa mujibu wa msimamizi wa Ujenzi huo ambaye ni Mhandisi wa Halmashauri Ndg. Frank Kiunga, ameeleza kuwa kwa hali ya sasa mradi unaenda kama ilivyopangwa na inategemewa kasi hii itafanikisha ujenzi kumalizika kwa wakati.

“Kusema ukweli mradi huu kwa sasa unaenda vizuri na kasi ambayo tuliitegemea ingaa hapo awali kulikuwa na kusuasua lakini hii hali ikienda hadi mwisho basi huu mradi utakamailika kwa wakati kabisa kwa kuwa kila kinachohitajika kipo hususani fedha yake yote” alimalizia Mhandisi Kiunga.

Wajumbe wa kamati ya fedha walilidhishwa na hali ya mradi, wamemuagiza Mkurugenzi kuendelea kufanya ufuatiliaji wa karibu wa mradi huo ili umalizike kwa wakati, pia kamati hiyo ilimtaka Mganga Mkuu wa Wilaya kufanya usimamizi wa karibu wa Zahanati na Vituo vya Afya ili huduma zinazotolewa ziwe muarobaini sahihi wa kutatua kero za afya kwa wananchi.

Juuu ya hapo waliitaka kusimamia kwa umakini matumizi ya fedha yote 750 Milioni iliyoletwa kwaajili ya ujenzi wa Jengo hilo kwasababu kufanikiwa kwake kutaleta matumaini ya kuletewa kiasi kingine cha fedha kwa wakati ilikumalizia Hospitali hiyo na miradi mingine.

chanzo: manispaa

Share:

Read More

Jeshi la Polisi lawadaka watekaji Morogoro

Jeshi la polisi Morogoro limewakamata watu wawili ambao wanadaiwa kuwa ni watekaji wa watu na kujihusisha na matukio ya ubakaji kisha kuwapiga picha za utupu waliowafanyia vitendo hivyo kwa lengo la kuwatisha kusambaza kwenye mitandao ya kijamii.

Kamanda wa polisi mkoa wa Morogoro, Kamishna Msaidizi Mwandamizi SACP Ulrich Matei amethibitisha kukamatwa kwa watu hao wawili na kusema kuwa wapo watu wengine watatu pia wamekamatwa kwa kufanya wizi kupitia njia ya mitandao ya kijamii.

"Ni kweli tumemkamata mtuhumiwa mmoja akiwa na mwenzake wanaojihusisha na utekaji wa watu, kuwabaka kisha kuwapiga picha za utupu na kuwatishia kuzisambaza picha hizo kwenye mitandao ya kijamii kama hawata toa fedha lakini mbali na hao wawili tunawashikilia watu wengine watatu ambao wao wamekuwa wakifanya wizi na utapeli kwa njia za mitandao ya kijamii" alisema Kamanda Matei

Aidha Kamanda Matei amesema kuwa uchunguzi utakapokamilika watu hao watafikishwa mahakamani kujibu tuhuma zao kutokana na makosa hayo.

Share:

Read More

"Nimesikitishwa sana taarifa ya vifo" - Magufuli

Rais Dkt. John Pombe Magufuli ametuma salamu za rambirambi kwa Mkuu wa Mkoa wa Pwani kufuatia vifo vya watu 26 ambao wamepoteza maisha katika jali ya basi dogo (Hiace) iliyogongana na Lori katika kijiji cha Mparange Mkuranga mkoani Pwani. 

Rais Magufuli ametuma salamu hizo kwa  Mhandisi Evarist Ndikilo na kumtaka amfikishe pole hizo kwa familia za watu ambao wamepoteza maisha katika ajali hiyo mbaya iliyotokea jana tarehe 24 Machi mwaka huu. 

“Nimesikitishwa sana na taarifa ya vifo vya watu 26 waliopoteza maisha katika ajali ya barabarani iliyotokea huko Mkuranga Mkoani Pwani, tumepoteza idadi kubwa ya Watanzania wenzetu na nguvu kazi ya Taifa. Naungana na wafiwa wote katika kipindi hiki kigumu cha huzuni na majonzi ya kuondokewa na wapendwa wao na watu waliowategemea”

Aidha Rais Magufuli amevitaka vyombo vinavyohusika na usalama wa barabarani kuchunguza chanzo cha ajali hiyo na kuchukua hatua zinazostahili lakini pia Magufuli amewaombea marehemu wote wapumzishwe mahali pema na majeruhi 9 wa ajali hiyo wapone haraka ili waungane na familia na jamaa zao kuendelea na shughuli za kila siku.

CHANZO: EATV

Share:

Read More

Mrisho Gambo awapigia magoti

Mkuu wa mkoa wa Arusha Mhe Mrisho Gambo amefunguka na kuwaomba viongozi wa CHADEMA jijini humo akiwepo Mbunge wa Arusha Mjini Godbless Lema pamoja na Meya wa Jiji la hilo, Calist Lazaro kushirikiana na serikali.

Mrisho Gambo amesema hayo baada ya jana Machi 24, 2018 viongozi hao wa CHADEMA ambao anadai walikuwa wamealikwa kushiriki katika zoezi la utoaji wa mikopo kwa kina mama kutotokea kwa kuwa zoezi hilo lilikuwa likisimamiwa na serikali. 

"Nipenda kutumia fursa hii kuwaomba viongozi wenzangu bila kujali itikadi ya vyama vyao maana leo tulimualika hapa mbunge, Meya na madiwani lakini wakasema tu sisi hatuendi sababu lile jambo linasimamiwa na serikali, mimi nataka tu niwaombe viongozi wenzangu kwamba masuala ya maendeleo hayana vyama kwa sababu na sisi pia tungeangalia vyama pengine tungewaambia watu wa CCM wawape tu mikopo hiyo wanachama wao lakini tukasema sisi wenye serikali watu wetu ni wote bila kujali itikadi ya vyama vyao hivyo niwaombe wakubali kwamba Rais wa Tanzania ni Dkt. John Pombe Magufuli" 

Aidha Mkuu huyo wa mkoa amezungumzia suala la maandamano ya April 26, 2018 kwa namna na kusema kuwa wapo watu wanafanya kazi ya kushawishi watu kuandamana lakini wao kama viongozi wanatoa njia za watu kupambana na maisha. 

"Wakati wao wanahamasisha watu waandamane sisi tunawapa mbinu za kupambana na maisha, wakati wao wanahamasisha waandamane sisi tunawagea mitaji ili waweze kupata ridhiki na familia zao, wakati wao wanahamasisha waandamane Dkt John Pombe Magufuli anatoa elimu bure kwa shule zote nchi nzima" alisema Gambo. 

Mwanadada Mange Kimambi ni kati ya watu ambao wapo mstari wa mbele kushawishi Watanzania kote nchini kupitia mitandao ya kijamii kuandamana April 26, 2018 ili kudai haki zao.

CHANZO: EATV

Share:

Read More

Rais Magufuli atoa pongezi kwa Bohari ya dawa Tanzania MSD

Rais wa Jamhuri ya Muungano wa Tanzania Dkt. John Pombe Magufuli ametoa pongezi kwa Bohari ya dawa Tanzania (MSD), baada ya kufanikisha ununuzi wa dawa kwa pamoja na moja kwa moja bila kutumia 'middle men'.

Pongezi hizo amezitoa leo jijini Dar es salaam wakati akizindua magari 181 ya Bohari ya dawa, ambayo yatakuwa yanasambaza madawa na vifaa tiba nchini na kurahisisha upatikanaji wa dawa na vifaa hivyo katika hospitali zote nchini.

''Nawapongeza sana MSD nyinyi mnatekeleza uzalendo vizuri, nasema kwa dhati mmeanza vizuri, mimi ni mgumu kupongeza kwahiyo kama nawapongeza mjue ukweli mnafanya kazi, nakumbuka Mkurugenzi wa MSD na Waziri wa Afya waliniomba fedha ili wawe wananunua dawa wenyewe bila 'Middle men' na wamefanikisha hilo'', amesema.

Aidha Rais Magufuli ametoa ruhusa kwa MSD kufungua maduka yao ya dawa sehemu mbalimbali nchini, lakini wasiyakabidhi kwa halmashauri bali wayasimamie wenyewe hata kama wataongeza wafanyakazi ni sawa tu.

Kwa upande mwingine Rais Magufuli amewalilia wafanyabiashara nchini kuanzisha viwanda vya dawa na vifaa tiba ili kuokoa kiasi cha zaidi ya bilioni 500 ambazo zinatumika kununua dawa nje ya nchi kila mwaka.

Share:

Read More

Kampeni safari ya 'HIJA' yazinduliwa

Baraza la waislamu nchini, BAKWATA leo limezindua rasmi kampeni ya maandalizi ya safari ya hijja kwa mwaka 1439 ambapo ni sawa na mwaka 2018.

Akizundua kampeni hiyo Mufti Mkuu wa Tanzania Shekh Abubakar Zubeir amewashukuru watu wote ambao wanaofanikisha maandalizi ya safari ya kwenda kwenye ibada hiyo maalum ingawa kuna changamoto mbalimbali ambazo zinajitokeza.

Pia amesihi taasisi na vyombo vyote  ambavyo vinasimamia kushikamana ili kuboresha mahitaji yote ya Mahujaji ambao wataenda kutekeleza ibada hiyo.


"Kazi hii haitakiwi kulala, inahitaji ukweli, kuwafundishwa, kuwaelimisha Mahujaji pia kufanya kwa ajili ya radhi za mwenyezimungu ili mambo yote yaende sawa" amesema Shekh Zubeir.

Aidha ametoa rai kwa wale wote ambao wataenda kuhijji kuwa wapole, wenyenyekevu, wasikivu na kufuata taratibu zote kutoka kwa wasimamizi pindi wanapoenda kuhijji ili  kuepuka usumbufu unaojitokeza mara kwa mara.

Kwa upande wako Kamishina wa Uraia na pasipoti, Gerad Kihinga amesema kama serikali watahakikisha wanatoa ushirikiano wa kutosha ili kufanikisha safari hiyo.

Share:

Read More

Mwigulu: Wapo wanaotamani tuvurugane

Waziri wa Mambo ya Ndani, Dk Mwigulu Nchemba amesema kuwa Serikali inazuia kuwepo kwa maandamano ili kutoruhusu watu wachache wanaotamani Tanzania wavurugane kuharibu taswira ya nchi.

Akizungumza katika harambee iliyoandaliwa na Kanisa la Kiinjili la Kilutheri Usharika wa Masaka dayosisi ya Pare, wilayani Same, Mh. Nchemba amesema kuwa katika maandamano hayo wapo watu watakaofanya vitendo vya uhalifu ikiwemo wizi na hata kufyatua risasi ili ionekane kwamba nchi inaua watu.

"Wapo wanaotamani tuvurugane na tunapowaeleza wananchi wanaweza kujiuliza kwanini tunazuia maandamano wakati wapo watu wanaofanya mazoezi na ni kwa sababu hatutaki kuruhusu watu watuvuruge,’’ Dk Nchemba

Ameongeza kuwa wapo watu wenye mitazamo mibaya zaidi ambao wataiba na pia wataandaliwa watu watakaofyatua risasi ili ionekane watu wameuawa katika maandamano.

Amesisitiza kuwa lengo la kuzuia maandamano ni baada ya kuangalia kwa jicho la tatu maandamano hayo hivyo raia na vyama vya siasa wawaelewe kwani hawana nia ya kuminya uhuru wao ambao upo kwa mujibu wa katiba.

‘’Tunaangalia sura ambayo adui anaweza kupitia, wasione majira haya ni ya kawaida kuna mahali tumegusa hivyo hawafurahi na ndio sababu haya mambo yanatokea hivyo tunaomba msichukulie kuwa ni vitu vyepesi vyepesi bali mpanue mitazamo yenu mnapoona masuala haya yanapojitokeza,’’ ameongeza.

Share:

Read More

DC Mjema azindua zoezi la upandaji miti Ilala

ZIKIWA zmebaki siku saba kufikia siku ya upandaji miti duniani, Wilaya ya Ilala imeanza rasmi zoezi ilo ikiwa ni uungwaji wake mkono kwa Makamu wa rais, Samia Suluhu ambaye amekuwa akisisitiza kuwa na Tanzania ya kijani.

Zoezi hilo la upandaji miti kwa manispaa ya Ilala limezinduliwa leo katika kata ya Chanika na Mkuu wa Wilaya hiyo, Sophia Mjema ambaye aliambatana na Diwani wa kata hiyo Ojambi Masaburi.

Akizungumza na umati wa wananchi waliojitokeza katika uzinduzi huo, DC Mjema amesema utunzaji wa mazingira nchini unapaswa kuendana na kasi ya upandaji miti ambayo inasaidia kuleta mvua na kusaidia upatikanaji wa hali safi ya hewa.

DC Mjema amewataka wananchi wa Ilala kutunza mazingira yao kwa kuhamasishana kupanda miti kuanzia ngazi ya familia huku akiwaimiza kuwaripoti Serikali za mtaa wale wote ambao wamekuwa wakiharibu mazingira.

" Wananchi kila mmoja kwa nafasi yenu mnapaswa kutunza mazingira, kuhakikisha mnapanda miti kwa wingi hasa katika maeneo yenu na pia kwenye shule za msingi na sekondari, lengo la zoezi hili ni kujenga mazingira yaliyo bora na salama.

" Tumuunge mkono Rais wetu John Magufuli na Mama Samia ambao wamekuwa wakisisitiza kuwa na Tanzania ya kijani. Lakini kingine kwa wakina mama wenzangu wale mnaofanya biashara ya chakula nafahamu umuhimu wa biashara yenu lakini niwatake sasa mpikie majumbani kisha mbebe chakula hicho na kuja kuuza na siyo kupikia barabarani," amesema Sofia.

Sophia amesema upikaji wa chakula kando ya barabara una athari nyingi za kiafya ikiwemo ugonjwa wa kifua kikuu, huku pia akipiga marufuku utemaji holela wa mate.

Kwa upande wake, diwani wa kata hiyo, Ojambi Masaburi alimshukuru DC Mjema kwa kuja kuzindua zoezi hilo katika kata yake huku akimuahidi kushirikiana na wananchi wake katika kuunga mkono upandaji miti.

" Mheshimiwa DC kwanza nikushukuru sana kwa kuja kwenye kata yetu lakini nikuahidi kuwa sisi tupo kamili kuunga mkono juhudi zote zinazofanywa na serikali katika kuwaletea wananchi maendeleo ikiwemo suala la mazingira bora, afya na usalama wake," amesema Masaburi
CHANZO: MUUNGWANA

Share:

Read More

Kamanda Sabasi asisitiza Oparesheni endelevu

Mkuu wa Oparesheni maalum za Kipolisi Liberatus Sabas amesema jeshi la polisi litaendelea na ya kukabiliana na mtandao wa dawa za kulevya Zanzibar itaendelea sambamba na kuwadhibiti wahalifu wanaofanya vitendo vya kuwaibia na kuwadhuru watalii.

Kamanda Sabas amesema wataendeleza operation hizo mpaka wahalifu watakaposema wamesalimu amri katika kufanya vitendo hivyo.

Aidha amesema kwa upande wa dawa za kulevya wamegundua wapo wafanyabiashara Zanzibar wanaoshirikiana na wale wa Tanzania bara na kuhakikisha kwamba watawashughulikia na kisha kuwafikisha katika mikono ya sheria na kusisitiza kuwa hakuna atakayechomoka.

Aidha imedaiwa kwatika Oparesheni hizo wamekamatwa wahalifu wapatao 21 pamoja na kete za dawa za kulevya kete 695 zenye ujazo takribani 31.3 gram.

CHANZO: EATV

Share:

Read More

Serikali yakiri kujichanganya suala la umri

Naibu Katibu Mkuu Wizara ya Elimu, Sayansi na Teknolojia Dkt. Avemaria Semakafu amefunguka na kuweka wazi utata ulioibuka kuhusu kigezo cha umri wa kujiunga na masomo ya kidato cha tano na sita na kusema taarifa ambayo inasambaa imekuwa na makosa.

Semakafu amesema hayo alipoongea na www.eatv.tv na kusema kuwa yametokea makosa ya kiuandishi ila kujiunga na masomo ya kidato cha tano na sita ni miaka 25 na siyo miaka 20 kama ambavyo inasomekana katika taarifa aliyotolewa mapema leo. 

"Kumetokea makosa ya kiandishi, miaka ni 25 ya kujiunga sekondari na sio 20 kama ambavyo inasomeka kwenye ile karatasi"  alisema Semakafu 

CHANZO: EATV

Share:

Read More

Orodha ya Vyuo/Taasisi Zinazoruhusiwa Kufanya Udahili wa Wanafunzi Wapya 2018

Na Jina la Chuo/Taasisi

1 Agency for Development of Education Management (ADEM) – Mbeya Campus

2 AMO Training Centre - Bugando

3 Arafah Teachers' College - Tanga

4 Archbishop John Ramadhan School of Nursing - Korogwe

5 Ardhi Institute - Tabora

6 Ardhi Institute Morogoro - Morogoro

7 Arusha Institute of Business Studies - Arusha

8 Arusha Lutheran Medical Centre School of Nursing - Arusha

9 Arusha Technical College - Arusha

10 Assistant Medical Officers Training College -Mbeya

11 Bagamoyo College of Arts (TaSUBa) - Bagamoyo)

12 Bagamoyo School of Nursing - Bagamoyo

13 Bariadi Teachers College - Bariadi

14 Berega School of Nursing - Kilosa

15 Besha Health Training Institute - Tanga

16 Bishop Nicodemus Hando College of Health Sciences - Babati

17 Borigaram Agriculture Technical College - Dar es Salaam

18 Bugando School of Nursing - Nyamagana

19 Bulongwa Health Sciences Institute - Makete

20 Bulongwa Training Institute - Makete

21 Bustani Teachers’ College - Kondoa

22 Butimba Teachers College - Nyamagana

23 Capital Teachers’ College - Dodoma

24 Centre for Educational Development in Health Arusha

25 Centre for Foreign Relations - Dar-es-Salaam

26 Coast Teachers College - Kibaha

27 College of Business and Management - Dar es Salaam

28 College of Business Education - Dar-es-Salaam

29 College of Business Education - Dodoma

30 College of Business Education – Mwanza Campus

31 Dabaga Institute of Agriculture - Kilolo

32 Dar es Salaam School of Journalism - Dar es Salaam

33 Dar-es-Salaam Institute of Technology - Dar-es-Salaam

34 Dar-es-Salaam Maritime Institute - Dar-es-Salaam

35 Dodoma Institute of Development and Entrepreneurship – Dodoma

36 Eastern Africa Statistical Training Centre - Dar-es-Salaam

37 Eastern and Southern African Management Institute - Arusha

38 Ebonite Institute of Education - Dar es Salaam

39 Eckernforde Teachers' College - Tanga

40 Elijerry Training Centre - Muheza

41 Faraja Health Training Institute - Moshi

42 Fisheries Education and Training Agency (FETA) Mbegani - Bagamoyo

43 Fisheries Education Training Agency (FETA) - Nyegezi

44 Forest Industries Training Institute (FITI) - Moshi

45 Forestry Training Institute (FTI) Olmotonyi - Arusha

46 Future World Business College - Dar es Salaam

47 Geita School of Nursing - Geita

48 Habari Maalum College - Arusha

49 Heri Nursing School - Kigoma

50 Horticultural Research and Training Institute – Tengeru Arusha

51 Huruma Health Training Institute - Rombo

52 Igabiro Training Institute of Agriculture - Muleba

53 Ilasi Training Institute - Mbozi

54 Ilembula Institute of Health and Allied Sciences - Njombe

55 Ilonga Teachers’ College - Kilosa

56 Ilula Nursing School - Kilolo

57 Institute of Accountancy Arusha - Arusha

58 Institute of Adult Education - Dar-es-Salaam

59 Institute of Adult Education – Mwanza

60 Institute of Finance Management - Dar-es-Salaam

61 Institute of Finance Management - Mwanza Campus

62 Institute of Judicial Administration - Lushoto

63 Institute of Procurement and Supply - Dar-es-Salaam

64 Institute of Rural Development and Planning - Dodoma

65 Institute of Rural Development and Planning – Mwanza Campus

66 Institute of Social Work - Dar-es-Salaam

67 Institute of Tax Administration - Dar-es-Salaam

68 Institution of Construction Technology – Morogoro

69 International Film Angels Training School – Dar-es-Salaam

70 Isimila Nursing School - Iringa

71 Kabanga School of Nursing - Kasulu

72 Kahama College of Health Sciences - Kahama

73 Kairuki School of Nursing - Dar es Salaam

74 Kaliua Institute of Community Development -Tabora

75 KAM college of Health Sciences - Dar es Salaam

76 KAPS Community Development Institute - Mufindi

77 Karagwe Institute of Allied Health Sciences - Karagwe

78 Karatu Health Training Institute - Karatu

79 Karume Institute of Science and Technology - Zanzibar

80 Kasulu Teachers College - Kasulu

81 Katoke Teachers College - Muleba

82 Katoro Teachers College - Bukoba

83 KCMC AMO General School Moshi - Moshi

84 KCMC AMO Ophthalmology School - Moshi

85 KCMC School of Physiotherapy - Moshi

86 Kibaha College of Health and Allied Sciences - Kibaha

87 Kidugala Teachers College - Njombe

88 Kilacha Agriculture and Livestock Training Institute - Moshi

89 Kilema College of Health Sciences - Moshi

90 Kilimanjaro Agricultural Training Centre - Moshi

91 Kilimanjaro Institute of Technology and Management - Dar es Salaam

92 Kilimanjaro International Institute for Telecommunications, Electronics and Computers (KIITEC) - Arusha

93 Kilimanjaro Modern Teachers' College - Moshi

94 Kilimanjaro School of Pharmacy - Moshi

95 Kilombero Agricultural Training and Research Institute (KATRIN) - Kilombero

96 King’ori Teachers’ College - Arusha

97 Kirinjiko Islamic Teachers' College - Same

98 Kisanga Teacher’s College - Dar es Salaam

99 Kisongo Teachers' College - Arusha

100 Kiuma Nursing School -Tunduru

101 Kiuma Teachers College - Tunduru

102 Kizimbani Agricultural Training Institute - Zanzibar

103 Kolandoto College of Health Sciences - Shinyanga

104 Korogwe Teachers College - Korogwe

105 Landmark Institute of Education Sciences and Technology – Geita

106 Livestock Training Agency - Mpwapwa

107 Livestock Training Agency (LITA) - Dar es Salaam

108 Livestock Training Agency (LITA) - Morogoro

109 Livestock Training Agency (LITA) Mabuki - Misungwi

110 Livestock Training Agency Buhuri Campus - Tanga

111 Livestock Training Agency Kikulula - Karagwe

112 Livestock Training Agency Tengeru Campus –Arusha

113 LUA Teacher’s College - Dar es Salaam

114 Lugala School of Nursing - Ulanga

115 Lugalo Military College of Medical Sciences - Dar es Salaam

116 Lugarawa Health Training Institute - Ludewa

117 Mabughai Community Development Technical Training Institute - Lushoto

118 Machame Health Training Institute - Moshi

119 Makambako Institute of Health Sciences - Makambako

120 Malya College of Sports Development - Kwimba

121 Mamire Teachers' College - Babati

122 Mamre Agriculture and Livestock College - Wanging’ombe

123 Mandaka Teachers’ College - Moshi

124 Mary Queen Technology College - Morogoro

125 Mbalizi Polytechnic College - Mbeya

126 Meteorological Training Cntre - Kigoma

127 Military Aviation School – Ngerengere

128 Mineral Resources Institute - Dodoma

129 Ministry of Agriculture Training Institute - Mbeya

130 Ministry of Agriculture Training Institute (MATI) Ilonga - Kilosa

131 Ministry of Agriculture Training Institute (MATI) Mtwara - Mtwara

132 Ministry of Agriculture Training Institute Igurusi -Mbeya

133 Mirembe School of Nursing - Dodoma

134 MISO Teachers College - Mufindi

135 Mkolani School of Nursing and Midwifery - Mwanza

136 Monduli Teachers' College - Monduli

137 Montessori Teacher Training College - Mtwara

138 Montessori Teachers' Training Centre - Lushoto

139 Montessori Training Centre - Mwanza

140 Moravian Teachers Training College - Mbeya

141 Morogoro Teachers College - Morogoro

142 Moshi Teachers’ College - Moshi

143 Mpuguso Teacher Training College - Tukuyu

144 Ms Training Centre for Development Cooperation - Arusha

145 Mt. Maria Goretti Agriculture Training Institute - Kilolo

146 Mtwara (K) Teachers College - Mtwara

147 Mtwara (U) Teachers College - Mtwara

148 Mtwara Clinical officers training Centre - Mtwara

149 Mtwara Nursing Training College (MNTC) - Mtwara

150 Mufindi Teachers College - Mufindi

151 MusomaUtalii College - Tabora

152 Muyoge Health Science and Management College - Mafinga

153 Mvumi Institute of Health Sciences - Dodoma

154 Mwambani School of Nursing - Songwe

155 Mweka College of African Wildlife Management - Moshi

156 Nachingwea Teachers College -Nachingwea

157 National College of Tourism (NCT), Temeke Campus - Dar es Salaam

158 National College of Tourism, Bustani Campus - Dar es Salaam

159 National Institute of Transport - Dar-es-Salaam

160 Nazareth College of Education - Mbinga

161 Ndala Teachers’ College - Nzega

162 Ndolage School of Nursing - Bukoba

163 New Mafinga Health and Allied Institute - Mafinga

164 Newala School of Nursing - Mtwara

165 Njombe Health Training Institute - Njombe

166 Njombe School of Nursing - Njombe

167 Njuweni Institute of Hotel, Catering and Tourism Management - Kibaha

168 Nkinga Institute of Health Sciences - Igunga

169 Northern Highlands Teachers’ College - Moshi

170 Operating Theatre Management School - Mbeya

171 Paradigms College of Health Sciences - Dar es Salaam

172 Paradise Business College - Sumbawanga

173 Peramiho School of Nursing - Songea

174 Primary Health Care Institute - Iringa

175 Richrice Teachers College - Geita

176 Rubya Health Training Institute - Muleba

177 Rungemba Teacher College - Iringa

178 Rungwe International College of Business and Entrepreneurship Development - Rungwe

179 School of Optometry – KCMC - Moshi

180 Sengerema Clinical Officers Training Institute - Sengerema

181 Shaalika Institute of Science and Technology - Same

182 Shinyanga Teachers College - Shinyanga

183 Shirati College of Health Scinces - Rorya

184 Shiwanda Teachers College - Mbozi

185 Singachini Teachers' College - Moshi

186 Singida Health Laboratory Assistants School - Singida

187 Songe Teachers’ College - Kilindi

188 Songea Teachers College - Songea

189 Sr. Dr. Thekla Nyangao School of Nursing - Mtwara

190 St Aggrey College of Health Science - Mbeya

191 St. Alberto Teachers College - Musoma

192 St. Bakhita Health Training Institute - Nkasi

193 St. Bernard Teachers’ College - Singida

194 St. Francis Technical College – Dar es Salaam

195 St. Gaspar School of Nursing - Itigi

196 St. John College of Health Science - Mbeya

197 St. Magdalene School of Nursing - Misenyi

198 St. Mary’s Teachers College - Dar es Salaam

199 St. Monica Teachers College - Iringa

200 St. Rock College of Early Education - Korogwe

201 Sumve School of Nursing - Kwimba

202 Sunrise Teachers College - Mbozi

203 Suye Health Institute – Arusha

204 Tanzania Correctional Training Academy - Dar es Salaam

205 Tanzania Geommological Centre – Arusha

206 Tanzania Institute of Accountancy - Dar-es-Salaam

207 Tanzania Institute of Accountancy – Mbeya Campus

208 Tanzania Institute of Accountancy - Mwanza Campus

209 Tanzania Institute of Accountancy – Singida Campus

210 Tanzania Peoples Defence Force ICT Centre - Dar es Salaam

211 Tanzania Police School - Moshi

212 Tanzania Police Staff College - Kidatu

213 Tanzania Regional Immigration Training Academy - Moshi

214 Tanzania Training Center for International Health (TTCIH) - Ifakara

215 Tengeru Community Development Training Institute - Arusha

216 The Mwalimu Nyerere Memorial Academy - Dar-es-Salaam

217 The Mwalimu Nyerere Memorial Academy - Zanzibar

218 Triple J Institute of Social Studies – Arusha

219 Tumaini Jipya Medical Training School - Mafinga

220 Tusaale Business and Planning College – Mafinga

221 Tusaale Teachers College - Mufindi

222 Unique Academy - Dar-es-Salaam

223 University Computing Centre - Dodoma

224 University of Dar es Salaam Computing Centre - Arusha

225 University of Dar es salaam Computing Centre - Mbeya Campus

226 University of Dar es Salaam Computing Centre - Mwanza

227 Ununio Institute of Professionals - Dar es Salaam

228 Vector Control Training Centre - Muheza

229 VETA Kipawa ICT Centre - Dar es Salaam

230 Vikindu Teachers College - Mkuranga

231 Visele Live-Crop Skills Training Centre - Mpwapwa

232 Waama Lutheran Teachers’ College - Mbulu

233 Wami International College of Business Management - Morogoro

234 Water Development and Management Institute - Dar-es-Salaam

235 Wesley College – Mwanza

236 Yohana Wavenza Health Institute - Songwe

237 Zanzibar College of Business Education - Zanzibar

238 Zanzibar Law Resource Centre - Zanzibar

239 Zanzibar Police College - Zanzibar

240 Zanzibar School of Journalism and Media Studies - Zanzibar

IMETOLEWA NA:

OFISI YA KATIBU MTENDAJI

BARAZA LA TAIFA LA ELIMU YA UFUNDI (NACTE)

TAREHE : 20 Machi, 2018

Share:

Read More