MTWARA: "Ni Marufuku matumizi ya Msumeno wa Mnyonyoro (chainsaw)"

Serikali ya wilaya ya Mtwara, mkoani Mtwara imepiga marufuku matumizi ya msumeno wa Mnyonyoro(chainsaw)ambayo inadaiwa kuwa chanzo cha uvunaji holela wa miti Wilayani humo. 

Hayo yamebainishwa na Mkuu wa wilaya ya Mtwara,Evod Mmanda wakati akizungumza katika uzinduzi wa zoezi la upandaji wa Miti katika wilaya hiyo ambapo pia amezitaka halmashauri zote katika wilaya ya Mtwara kuzuia na kudhibiti uvunaji holela wa miti kwani hali hiyo inasababisha uharibifu mkubwa wa mazingira.

"Mtu anayemiliki Chainsaw hana tofaut na mtu anayemiliki mtambo wa gongo" alisema Mmanda na kulngezea "utaratibu wa kuvuna miti unafahamika lazima uombe kibali kuanzia ngazi ya kijiji na kijiji waandike muhtsari walete wilayani hata kama ni mwembe wako lazima ufuate utaratibu huo"  Mmanda amesema

kuwa utaratibu huo si wake bali utaratibu wa kisheria na hivyo atakayekiuka atachukuliwa hatua Kali za kisheria ikiwemo kufikishwa mahakamani.  Awali kaimu katibu tawala wa Wilaya ya Mtwara,Fransis Mkuti akisoma taarifa ya upandaji miti katika wilaya hiyo kwa kipindi cha kuanzia mwaka 2017 had machi mwaka huu amesema kuwa jumla ya miti 594876 imepandwa.

John G Massawe,Jamii FM

Share: